Zëvendëskryeministrja Albana Koçiu vizitoi mëngjesin e 15 prillit 2026 në Qendrën Spitalore Universitare Nënë Tereza (QSUNT) zjarrfikësit e lënduar nga zjarri në pallatin pranë Spitalit “Nënë Tereza”, i cili shpërtheu pasdite të 14 prillit.
Gjatë vizitës, ajo u njoh nga afër me gjendjen e tyre shëndetësore dhe ecurinë e trajtimit. Sipas mjekëve, zjarrfikësit paraqiten në gjendje të mirë dhe pritet të dalin nga spitali gjatë ditës së sotme.
Koçiu shprehu vlerësim dhe mirënjohje për ndërhyrjen e tyre guximshme dhe profesionale. Kjo ndërhyrje mundësoi shpëtimin e jetëve dhe shmangien e pasojave të rënda për banorët e pallatit të përfshirë nga flakët.