Laura Pula, koordinatorja nacionale e zgjedhjeve në Prokurorinë e Shtetit të Kosovës, deklaroi se të gjitha prokuroritë kanë lëshuar autorizime për grumbullim të informacioneve në drejtim të personave që kanë manipuluar ose falsifikuar procesin e numërimit të votave.
Secila prokurori pret rezultatet përfundimtare për të vazhduar hetimet e mëtejshme. Pula theksoi se vepra penale e falsifikimit parashihet me dënim deri në pesë vjet, meqë bëhet fjalë për persona zyrtarë të emëruar.
Ajo shtoi: «Hetimet do ta tregojnë se si është bërë ky falsifikim i rezultateve, asnjë nga ta nuk do të amnistohet dhe asnjëri që e ka shkelur vullnetin e lirë të votuesit do të ballafaqohet me forcën e ligjit».
Përditësime
Autoritetet kanë nisur këtë mëngjes në Gjakovë një hetim për dyshime mbi manipulimin e rezultateve zgjedhore. Nën hetim janë disa komisionerë të qendrave të votimit, të dyshuar për ndërhyrje në numërimin dhe administrimin e votave.