Një zjarr ka rënë në një banesë në qytetin e Gostivarit, duke shkaktuar lëndimin e tre personave. Ngjarja është raportuar në DPB Gostivar më 5 gusht 2026, rreth orës 17:15. Banesa e përfshirë nga flakët është në pronësi të shtetasit G.S. (36 vjeç) dhe ndodhet në rrugën "18 Nëntori".
Në vendin e ngjarjes kanë mbërritur forcat e Njësisë Territoriale Kundër Zjarrit Gostivar, të cilat kanë bërë të mundur shuarjen e zjarrit. Gjatë ndërhyrjes për shuarjen e flakëve, dy zyrtarë policorë të DPB Gostivar kanë asistuar në operacion. Pas shuarjes së zjarrit, dy policët së bashku me qytetarin H.Xh. janë dërguar në Qendrën Urgjente Gostivar për kontroll mjekësor, për shkak të thithjes së tymit.
Sipas njoftimit zyrtar nga SPB Tetovë, një ekip i DPB Gostivar ka kryer këqyrjen e vendit të ngjarjes për të zbardhur rrethanat dhe shkaqet e shpërthimit të zjarrit.