Një zjarr ka rënë ditën e sotme në një dyqan në qytetin e Mamurrasit. Sipas informacioneve paraprake, flakët kanë shpërthyer në një byrektore, ndërsa dyshohet se shkaku ka qenë një shkëndijë elektrike.
Forcat zjarrfikëse të Kurbinit kanë mbërritur menjëherë në vendin e ngjarjes. Ndërhyrja e tyre ka bërë të mundur vënien nën kontroll të flakëve dhe parandalimin e përhapjes së zjarrit në objektet përreth.
Nga ngjarja janë shkaktuar vetëm dëme materiale, ndërsa nuk raportohet për asnjë person të lënduar. Autoritetet kompetente po vijojnë verifikimet përkatëse për të përcaktuar me saktësi shkaqet e rënies së zjarrit.