Gjatë orëve të para të datës 1 shtator 2026, një zjarr ka shpërthyer në një ndërtesë në Rrugën B në Prishtinë, pranë qendrës tregtare Royall Mall. Ekipet e zjarrfikësve për rajonin e Prishtinës janë njoftuar për ngjarjen në ora 00:22 dhe kanë dalë menjëherë në vendin e ngjarjes për të shuar flakët.
Zëvendëskomandanti i Zjarrfikësve për rajonin e Prishtinës, Abdusamed Shkodra, ka bërë të ditur se zjarri ka qenë i përqendruar në kulmin e ndërtesës. Falë ndërhyrjes me kohë, situata është vënë nën kontroll dhe është shmangur përhapja e mëtejshme e flakëve. Autoritetet policore kanë konfirmuar gjithashtu se nga ky incident janë shkaktuar vetëm dëme materiale, ndërsa nuk ka persona të lënduar.
Zëdhënësja e Policisë së Kosovës për rajonin e Prishtinës, Flora Ahmeti, ka njoftuar se njësitet policore kanë mbërritur në vendngjarje menjëherë pas marrjes së njoftimit rreth orës 00:20. Deri në këto momente, shkaqet që çuan në rënien e zjarrit mbeten ende të paqarta.