Ekipet e zjarrfikësve në kryeqytet kanë ndërhyrë me sukses gjatë ditës së sotme për të vënë nën kontroll një zjarr që përfshiu kulmin e një ndërtese në rrugën “Isa Kastrati” në Prishtinë.
Komandanti i Brigadës së Zjarrfikësve në Prishtinë, Malë Gashi, njoftoi se operacioni është realizuar me sukses falë angazhimit maksimal të personelit, të cilët vepruan me profesionalizëm dhe përkushtim për lokalizimin dhe shuarjen e plotë të flakëve.
Në operacionin për menaxhimin e situatës në terren, ekipet u mbështetën nga disa institucione të tjera:
- DSE (Drejtoria për Siguri dhe Emergjenca)
- Policia e Kosovës
- Ekipet Mjekësore Urgjente
- Ekipi i Komunës së Lipjanit
- Ekipet e KRU Prishtina
Pas shuarjes së zjarrit, komandanti Gashi shprehu mirënjohje për të gjithë akterët e përfshirë, duke vlerësuar sakrificën dhe guximin e treguar në kryerjen e detyrës.