Një shtetas 34-vjeçar ka humbur jetën mëngjesin e sotëm në një spital në Tiranë, pasi dyshohet se ka konsumuar Fotoksinën në banesën e tij në qytetin e Lezhës.
Sipas informacioneve paraprake, shtetasi me inicialet E. M. u transportua për ndihmë mjekësore, por nuk arriti të mbijetojë pasojave të helmimit.
Policia bën me dije se po punohet për dokumentimin e plotë të rrethanave të ngjarjes. Në njoftimin zyrtar thuhet: «Dyshohet se ka konsumuar Fotoksinën, në banesën e tij, në Lezhë, shtetasi E. M., 34 vjeç, i cili si pasojë ka humbur jetën në spital në Tiranë, mëngjesin e sotëm. Punohet për dokumentimin e rrethanave të ngjarjes».
Përditësime
Materialet procedurale për vdekjen e 34-vjeçarit nga Lezha iu referuan Prokurorisë së Lezhës për veprime të mëtejshme.