Një aksident rrugor ndodhi në rrugën “Hasan Tahsini” në Ksamil, ku 48-vjeçari me inicialet A. K., banues në Ksamil, drejtoi automjetin në gjendje të dehur dhe aksidentoi një fëmijë 2-vjeç.
Specialistët e Seksionit të Trafikut Urban dhe Interurban në Komisariatin e Policisë Sarandë e arrestuan shoferin në flagrancë. Në njoftimin zyrtar, policia shpjegon se A. K. ka shkaktuar aksidentin nën ndikimin e alkoolit.
"Specialistët e Seksionit të Trafikut Urban dhe Interurban në Komisariatin e Policisë Sarandë arrestuan në flagrancë shtetasin A. K., 48 vjeç, banues në Ksamil, i cili, në rrugën “Hasan Tahsini”, duke drejtuar automjetin në gjendje të dehur, ka aksidentuar një fëmijë 2 vjeç. I mituri ndodhet në Spitalin e Sarandës, nën kujdesin e mjekëve", thuhet në njoftimin policor.
Fëmija u dërgua në Spitalin e Sarandës. Disa burime raportojnë se pësoi lëndime në kokë dhe u largua pas ndihmës mjekësore.
Materialet procedurale iu referuan prokurorisë kompetente për veprime të mëtejshme, lidhur me veprën penale të shkaktimit të aksidentit rrugor në gjendje të dehur.