Një aksident rrugor ka ndodhur ditën e sotme në Ksamil, ku drejtuesi i një motori ka humbur kontrollin dhe ka dalë nga rruga. Si pasojë e përplasjes, ka mbetur i dëmtuar shtetasi Dhimitër Malaj, 28 vjeç, banues në Ksamil.
Menjëherë pas ngjarjes, i riu është transportuar me autoambulancë drejt urgjencës së spitalit të Sarandës. Sipas informacionit të bërë me dije nga bluzat e bardha, 28-vjeçari ka pësuar dëmtime në kokë dhe në këmbë. Pas marrjes së ndihmës së parë mjekësore, ai është shtruar në pavijonin e kirurgjisë për të vijuar me trajtimin e specializuar.
Në vendin e ngjarjes ka mbërritur Policia e Qarkullimit Rrugor, e cila ka nisur hetimet për të zbardhur rrethanat dhe shkaqet e këtij aksidenti.