Një aksident rrugor ka ndodhur mbrëmjen e 15 janarit 2026, rreth orës 18:25, në rrugën "Martin Camaj" në Durrës.
Automjeti, i drejtuar nga E. L., 20 vjeç, ka goditur këmbësorin Y. K., 69 vjeç. Si pasojë, 69-vjeçari është dëmtuar dhe po merr ndihmë mjekësore në Spitalin Rajonal Durrës.
Sipas njoftimit të policisë, i lënduari ndodhet jashtë rrezikut për jetën. Grupi hetimor po punon për sqarimin e plotë të rrethanave dhe shkakut të aksidentit.