Paraditen e kësaj të shtune, 11 korrik 2026, është regjistruar një aksident rrugor në unazën lindore të qytetit të Fierit. Sipas të dhënave paraprake, një automjet tip Ford ka humbur kontrollin gjatë lëvizjes dhe është përplasur me një banesë në anë të rrugës.
Nga përplasja ka mbetur i plagosur një i mitur, i cili ndodhej në pjesën e pasme të automjetit. I dëmtuari është transportuar me urgjencë drejt Spitalit Rajonal të Fierit, ku mjekët kanë konfirmuar se është duke iu nënshtruar një ndërhyrjeje kirurgjikale për trajtimin e plagëve të marra.
Në vendngjarje kanë mbërritur menjëherë shërbimet e Policisë dhe grupi hetimor. Autoritetet po punojnë për të zbardhur rrethanat dhe dinamikën e saktë të aksidentit, si dhe për të përcaktuar shkaqet që çuan në humbjen e kontrollit të mjetit.