Mesditën e sotme ka ndodhur një aksident në aksin rrugor Fier-Seman, në vendin e quajtur Fermë-Çlirim. Një automjet tip Opel ka devijuar lëvizjen për të shmangur përplasjen me një tjetër automjet dhe ka përfunduar në kanalin anësor të rrugës.
Fatmirësisht, drejtuesi nuk ka pësuar lëndime. Në vendngjarje kanë mbërritur menjëherë policia dhe grupi hetimor, të cilët po punojnë për zbardhjen e plotë të shkaqeve të aksidentit.
Një mjet karrotrec ka tërhequr automjetin e dëmtuar nga kanali, duke lehtësuar trafikun e krijuar në zonë.