Një aksident rrugor u regjistrua mbrëmjen e së mërkurës, 15 prill 2026, në aksin rrugor Balldren-Torovicë në Lezhë.
Sipas informacioneve paraprake, drejtuesi i një motomjeti, shtetasi R. O., humbi kontrollin mbi mjetin rreth orës 20:30 dhe u përplas me një mur rrethues në anë të rrugës.
Për pasojë, mbetën të plagosur drejtuesi dhe pasagjerja e dyshuar shtatzënë. Të dëmtuarit u transportuan menjëherë në Spitalin Rajonal të Lezhës për ndihmë mjekësore dhe ndodhen jashtë rrezikut për jetën.
Forcat e policisë mbërritën në vendngjarje dhe po punojnë për zbardhjen e plotë të rrethanave të aksidentit.