Një drejtues mjeti me shpejtësi të lartë ka humbur kontrollin e një automjeti tip Porsche në qendër të Fierit dhe është përplasur me dy makina të parkuara, duke i dëmtuar rëndë.
Pas aksidentit shoferi ka tentuar të largohet nga vendngjarja dhe ka hequr targën e automjetit për të shmangur identifikimin. Disa qytetarë që ndodheshin pranë e kanë penguar të ikte, ndërsa një patrulle policie që ishte në zonë ka reaguar menjëherë.
Shoferi është shoqëruar në komisariat për veprime të mëtejshme. Në vendngjarje kanë mbërritur forca të shumta policie që po kryejnë kontrollin e automjetit dhe po hetojnë shkaqet e aksidentit.
Përditësime
Sipas Koha Jone, shoferi nuk iu bind thirrjeve të patrullës së policisë për të ndaluar para se të shkaktonte aksidentin.
Policia e Shtetit identifikoi shoferin si Arbër Imeraj, i cili është i sapo dalë nga burgu dhe i dënuar më parë për armëmbajtje pa leje dhe prodhim e shitje narkotikësh.