Një aksident trafiku ka ndodhur në rrugën Lipjan-Prishtinë, ku janë përplasur tri automjete. Ngjarja ka ndodhur rreth orës 19:40 të 14 marsit 2026.
Zëdhënësja e Policisë për rajonin e Prishtinës, Flora Ahmeti, ka konfirmuar se si pasojë të aksidentit janë lënduar katër persona. Të lënduarit janë dërguar për tretman mjekësor.
Ajo ka dhënë detaje: «Rreth orës 19:40 kemi pranuar informatën për një aksident në rrugën Lipjan-Prishtinë. Në këtë aksident kanë qenë të përfshira tri automjete. Si pasojë e aksidentit, katër persona janë lënduar. Personat e lënduar janë dërguar për tretman mjekësor, ndërkohë që me rastin po merret Njësiti i Trafikut Rajonal».