Një aksident rrugor u regjistrua mbrëmjen e së mërkurës në zonën e Tragjasit, në aksin rrugor Bypass Orikum–Vlorë.
Sipas informacioneve paraprake, automjeti tip Volkswagen, i drejtuar nga shtetasi me iniciale V.G., u përplas me një tufë bagëtish të imëta, kryesisht dhie, që ndodheshin në rrugë. Në fund të tufës ishte çobani me iniciale A.D., rreth 35 vjeç, i cili u godit nga forca e përplasjes.
Si pasojë, 35-vjeçari u transportua me autoambulancë në Spitalin Rajonal të Vlorës, ku po merr ndihmë mjekësore për traumat e pësuara. Disa burime e përshkruajnë gjendjen e tij si të rëndë.
Në vendngjarje mbërritën shërbimet e emergjencës dhe policia, e cila po kryen hetimet për zbardhjen e rrethanave të aksidentit.