Një ngjarje e rëndë ka ndodhur këtë pasdite në aksin rrugor Korçë-Ersekë, ku një automjet ka përplasur për vdekje një të mitur. Aksidenti është regjistruar në afërsi të fshatit Kamenicë.
Sipas informacioneve paraprake, fëmija ishte duke ecur në rrugë së bashku me nënën e tij në momentin e përplasjes. Për fat të keq, goditja ka qenë fatale, duke i shkaktuar vdekjen e menjëhershme të miturit.
Grupi hetimor i Policisë ka mbërritur në vendngjarje dhe po punon për të verifikuar shkaqet dhe rrethanat e plota të këtij aksidenti tragjik.