Një aksident i rëndë ujor ka ndodhur ditën e sotme, më 20 gusht 2026, në zonën detare midis Rrjollit dhe Shëngjinit, pranë vendit të quajtur “Rana e Hedhun”. Sipas të dhënave paraprake, një grup të rinjsh po udhëtonin me një mjet lundrues (gomone), kur në rrethana ende të paqarta, dy prej tyre kanë rënë në ujë.
Ngjarja rezultoi fatale për Klaus Gjergjin, i cili ndërroi jetë si pasojë e goditjeve nga helika e mjetit lundrues. Nga i njëjti aksident ka mbetur i plagosur edhe Uran Marku, i cili ndodhej në gomone së bashku me viktimën dhe persona të tjerë.
Autoritetet policore kanë nisur hetimet për të zbardhur dinamikën e plotë të incidentit. Deri në këto momente, pjesa më e madhe e burimeve konfirmojnë se aksidenti ka ndodhur si pasojë e rënies së të rinjve nga mjeti lundrues, duke hedhur poshtë dyshimet për përplasje mes dy mjeteve të ndryshme. Policia pritet të dalë me një njoftim zyrtar pas përfundimit të hetimeve në vendngjarje.