Autoriteti Kombëtar i Ushqimit (AKU) njoftoi tërheqjen nga tregu të produktit EnerBiO Dinkel Waffeln Natur, i cili shitet në supermarketet Rossmann & Lala. Njoftimi erdhi nga kompania prodhuese Dirk Rossmann GmbH në Gjermani, për shkak të dyshimeve për tejkalim të nivelit të lejuar të mykotoksinave.
Produkti mbart kodet EAN 4305615676876 dhe DAN 055700, me datë skadence 18.01.2027. Tërheqja u krye menjëherë nga të gjitha pikat e shitjes, pa dallim lote apo datash skadence.
AKU vijon verifikimet përkatëse mbi rastin. Qytetarët që e kanë blerë produktin dhe e kanë ende në dispozicion këshillohen të mos e konsumojnë dhe ta kthejnë pranë pikave të shitjes.