Policia e Shkodrës finalizoi operacionin policor të koduar Rent Home 3, duke goditur një rast prostitucioni në dy apartamente me qira në qytet.
Sipas njoftimit zyrtar, specialistët e Seksionit për Hetimin e Trafiqeve, në bashkëpunim me Komisariatin e Policisë Shkodër, organizuan operacionin bazuar në informacione operative. Si rezultat, u zbulua një apartament në lagjen 3 Heronjtë, ku ushtrohej prostitucioni.
Në pranga ranë 5 shtetas:
- Shtetaset kolumbiane A. M., 48 vjeçe; P. B., 32 vjeçe; D. R., 27 vjeçe, të cilat kishin marrë me qira apartamentet dhe i kishin përshtatur për ushtrimin e prostitucionit;
- F. V., 28 vjeç, banues në fshatin Vermosh;
- K. G., 24 vjeç, banues në Bajzë.
Materialet u referuan në Prokurorinë e Shkodrës, ku nisi procedimi penal ndaj shtetases D. D., 27 vjeçe, për veprën penale "Mbajtja e ambienteve për prostitucion".
Si provë materiale, policia sekuestroi një shumë parash, e dyshuar si e përfituar nga prostitucioni, si dhe 6 telefona celularë.
Nën drejtimin e Prokurorisë, vijojnë hetimet për dokumentimin e plotë të rastit dhe identifikimin e shtetasve të tjerë të mundshëm të përfshirë. Materialet procedurale i kaluan Prokurorisë së Shkodrës për veprime të mëtejshme.
Përditësime
Policia e Shkodrës ka publikuar emrat të plotë të 5 të arrestuarve për organizimin e prostitucionit.
Kolumbianët: Adriana Medina, Paola Bedoya, Danny Rivillas.
Shqiptarët: Florid Vukaj, Klaudio Grishaj.