Operacioni i koduar “Wrong Transaction”, i finalizuar nga Sektori për Hetimin e Krimeve Ekonomiko-Financiare nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, ka çuar në pranga drejtuesit e një filiali bankar. Hetimet e këtij procedimi penal, të nisura në vitin 2025, evidentuan se punonjësit kishin kryer të paktën 30 tërheqje pa mandat dhe kishin manipuluar depozita në valutë të huaj.
Sipas hetimeve, autorët e dyshuar kanë shfrytëzuar sistemet bankare për të falsifikuar dokumente dhe për të përvetësuar fondet e klientëve pa pëlqimin e tyre. Vlera e dëmit të shkaktuar dy klientëve llogaritet në 309.740 euro dhe 92.000 dollarë.
Përveç dy drejtuesve që ndodhen në burg, janë caktuar masa edhe për 10 persona të tjerë:
• Arrest në shtëpi: G. B., D. D., O. K., R. S. dhe Zh. B.
• Pezullim i ushtrimit të detyrës: E. Q., I. D., E. K. dhe B. M.
• Në kërkim: Shtetasja B. N.
Çështja doli në dritë pas kallëzimit të një klienti për tërheqjen e paautorizuar të shumës prej 500.000 lekësh nga llogaritë e tij, denoncim të cilit iu shtua edhe një kallëzim nga vetë banka për raste të ngjashme. Prokuroria vijon punën për zbardhjen e plotë të dëmit total dhe përgjegjësisë së secilit prej të përfshirëve në këtë skemë.
Përditësime
Autoritetet kanë zbardhur detajet e një skeme mashtrimi në UBA Bank, ku është përfshirë një grup punonjësish. Policia ka arrestuar dy drejtuesit, Gilbert Hoxha (38) dhe Albin Keta (33), të cilët akuzohen nga Prokuroria për 'Vjedhje duke shpërdoruar detyrën', 'Falsifikim dokumentesh' dhe 'Falsifikim kompjuterik'. Hetimet konfirmuan se skema operonte përmes bashkëpunimit të koordinuar të arkëtarëve, supervizorëve dhe punonjësve të shërbimit ndaj klientit. Lidhur me këtë çështje, gjykata ka caktuar masën e sigurisë 'arrest shtëpie' për një person tjetër, i cili aktualisht është shpallur në kërkim.
Autoritetet kanë zbardhur detajet e operacionit në UBA Bank, ku janë arrestuar dy drejtues: Gilbert Hoxha (38 vjeç) dhe Albin Keta (33 vjeç). Prokuroria i akuzon ata për vjedhje duke shpërdoruar detyrën, falsifikim dokumentesh dhe falsifikim kompjuterik.
Mes të arrestuarve në operacionin kundër UBA Bank është identifikuar edhe gjyqtari i basketbollit me stemë të FIBA-s, Gilbert Hoxha. Prokuroria ka ngritur zyrtarisht ndaj tij akuzat për:
- Vjedhje duke shpërdoruar detyrën
- Falsifikim dokumentesh
- Falsifikim kompjuterik