Policia e Fierit arrestoi më 10 mars dy shtetase rumune, I. D. (21 vjeçe) dhe G. B. (45 vjeçe), banuese në Rumani, të cilat ushtronin prostitucion në një banesë të marrë me qira në qytetin e Fierit.
Specialistët e Seksionit për Hetimin e Trafiqeve të Drejtorisë Vendore të Policisë Fier, në bashkëpunim me shërbimet e Forcës së Posaçme Operacionale, kryen operacionin e koduar Transit si rezultat i hetimeve me metoda speciale.
Të arrestuarat kishin përshtatur banesën për këtë aktivitet të paligjshëm.
Në cilësinë e provës materiale u sekuestruan:
- 250 euro dhe 5000 lekë, që dyshohet se janë përfituar nga veprimtaria kriminale;
- një automjet;
- 5 celularë.
Për rastin u proceduan penalisht dy shtetas:
- një banues në Divjakë;
- një banues në Fier,
të cilët dyshohet se kanë përfituar nga kjo veprimtari.
Materialet procedurale iu referuan Prokurorisë së Fierit për veprime të mëtejshme.