Shërbimet e Komisariatit të Policisë Kamëz arrestuan dy shtetas të dyshuar për vjedhje të ndodhur dje në një subjekt tregtar në Kamëz. Ngjarja u zbardh në kuadër të operacionit policor “Together”, pas njoftimit të menjëhershëm të subjektit të dëmtuar.
Të arrestuarit janë Admir Sina, 21 vjeç, banues në Kamëz dhe i dënuar më parë për vjedhje, si dhe një shtetas 18-vjeçar. Ata dyshohen se, në bashkëpunim me njëri-tjetrin, kanë vjedhur produkte dhe shuma parash nga subjekti tregtar.
Gjatë veprimeve hetimore, policia dokumentoi autorësinë e tyre edhe për dy vjedhje të tjera më parë:
- Më 18 nëntor 2025, vjedhën shuma parash në një biznes.
- Më 29 janar 2026, vjedhën shuma parash në një biznes tjetër.
Materialet procedurale i kaluan Prokurorisë për veprime të mëtejshme.