Katër persona janë arrestuar sot nga organet e rendit nën dyshimin për marrje ryshfeti, falsifikim të dokumentit zyrtar dhe keqpërdorim të detyrës zyrtare në procesin e pajisjes me patentë-shoferë.
Mes të arrestuarve janë tre instruktorë dhe një ekzaminere e angazhuar nga Ministria e Infrastrukturës dhe Transportit.
Ministri Dimal Basha konfirmoi në një postim në Facebook: «Për vepra penale të marrjes së ryshfetit, falsifikimit të dokumentit zyrtar dhe keqpërdorimit të detyrës zyrtare në procesin e pajisjes me patentë-shoferë, sot nga organet e rendit janë arrestuar 4 persona të dyshuar, ku në mesin e tyre është edhe një ekzaminere e angazhuar nga **Ministria e Infrastrukturës dhe Transportit».
Basha mirëpriti aksionin dhe shprehu «gatishmërinë për bashkëpunim të plotë me organet përgjegjëse të drejtësisë, me qëllim të zbardhjes së plotë të rastit».
Ai theksoi se ministria do të jetë «të përkushtuar e fort të vendosur në luftën pa kompromis kundër korrupsionit dhe çdo forme të keqpërdorimit të detyrës zyrtare, duke garantuar integritet, transparencë dhe besim në institucionet publike».