Një 18-vjeçar është arrestuar nga shërbimet e Komisariatit të Policisë Nr. 3 në Tiranë, pasi akuzohet se ka vjedhur një automjet duke mashtruar rojën e një vendparkimi privat.
Ngjarja ndodhi në rrugën Hajdar Hidri. I riu me iniciale A. L., banues në Tiranë, u prezantua si pronari i automjetit tip Volkswagen Jetta për të marrë çelësat dhe për t'u larguar me të.
Pas denoncimit të menjëhershëm, policia organizoi hetimet, të cilat çuan në identifikimin dhe kapjen e autorit të dyshuar. Automjeti i vjedhur u gjet në fshatin Valias dhe u sekuestrua.
Materialet procedurale iu referuan Prokurorisë së Tiranës për veprime të mëtejshme.