Policia e Tiranës finalizoi operacionin e koduar “Etiketa”, ku u zbulua një dyqan në rrugën Sulejman Delvina që shiste produkte me logo të markave ndërkombëtare, të dyshuara false.
Pronari i dyqanit, shtetasi H. R., 29 vjeç, banues në Tiranë, u arrestua nga specialistët e Seksionit për Hetimin e Krimeve Ekonomiko-Financiare. Gjatë kontrolleve u gjetën veshje, çanta, syze dhe orë pa fatura blerjeje dhe pa kuponë shitjeje, me qëllim shmangien e detyrimeve tatimore.
Të gjitha mallrat u sekuestruan si provë materiale. Disa burime e identifikojnë të arrestuarin si Hysen Ramaj, ish-konkurrent i emisionit “Për’puthen”, i cili reklamonte produktet në rrjetet sociale.
Materialet procedurale iu referuan Prokurorisë së Tiranës për veprime të mëtejshme.
Përditësime
Ligji i ri për markat tregtare ka hyrë në fuqi.
Importi dhe eksporti i produkteve që shkelin pronësinë intelektuale nuk lejohet më, me ndalime të detyrueshme në dogana për marka si Gucci.
Zhvillime të tjera:
• Autoritetet paralajmëruan goditje më të forta ndaj tregut të mallrave falsifikuara.
• Redaksioni i IndeksOnline ka marrë dhjetëra denoncime nga qytetarë të mashtruar me produkte falsifikuara.