Specialistët e Sektorit për Hetimin e Krimeve Ekonomike dhe Financiare të Policisë së Beratit kanë zbuluar një subjekt tregtar në lagjen “10 Korriku” të Beratit, ku shiteshin 191 orë dore të dyshuara të kontrabanduara.
Mallrat, imitime të markave të ndryshme, shiteshin si në dyqan ashtu edhe online, pa fatura blerjeje dhe pa lëshuar kuponë tatimor. Gjatë kontrollit u sekuestruan të gjitha orat.
Për rastin u referuan materialet në Prokurorinë së Beratit, ku nisi procedimi penal ndaj pronarit të subjektit, shtetasit A. D., 39 vjeç.
Kontrollet kundër paligjshmërive në fushën ekonomike, si informaliteti dhe tregtimi i produkteve të kontrabanduara, vijojnë në të gjithë territorin e qarkut.