Specialistët e Seksionit për Hetimin e Krimeve Ekonomiko-Financiare të Drejtorisë Vendore të Policisë Tiranë finalizuan operacionin e koduar Etiketa 1. Gjatë këtij operacioni u zbulua një dyqan në rrugën Demokracia, në Babrru, ku shiteshin veshje të dyshuara të kontrabanduara me logo të falsifikuara dhe pa fatura shitjeje.
Në kuadër të kontrollit u arrestua administratorja e dyqanit, shtetasja E. N., 38 vjeçe, banuese në Babrru. Gjithashtu u sekuestruan veshje të ndryshme me logo të markave ndërkombëtare, të dyshuara false, me vlerë rreth 40 000 euro, pa fatura mbi origjinën e tyre.
Operacioni u zhvillua në vijim të verifikimeve për subjekte që kryejnë aktivitet në informalitet dhe shmangin detyrimet tatimore. Materialet procedurale iu referuan Prokurorisë së Tiranës për veptime të mëtejshme.