Policia e Drejtorisë Vendore të Policisë Fier finalizoi operacionin e koduar "Fokusi", duke arrestuar në flagrancë shtetasin Odise Hajdari (O. H.), 36 vjeç, banues në Lushnjë. Ai akuzohet për shpërndarjen e lëndëve narkotike kokainë dhe kanabis në qytetin e Lushnjës.
Specialistët për Hetimin e Narkotikëve kryen një hetim njëmujor për goditjen e veprimtarisë kriminale. Gjatë operacionit u gjetën dhe sekuestruan 55 gramë lëndë narkotike kokainë dhe 562 gramë lëndë narkotike kanabis.
Si prova materiale u sekuestruan gjithashtu një peshore elektronike, një shumë parash e dyshuar si përfitim nga shitja e narkotikëve dhe një celular.
Materialet procedurale iu referuan Prokurorisë së Fierit, në ngarkim të Odise Hajdarit, për veprën penale "Prodhimi dhe shitja e narkotikëve". Operacioni u zhvillua në bashkëpunim me Prokurorinë.