Shërbimet e Komisariatit të Policisë Shijak arrestuan në flagrancë shtetasin I. N., 39 vjeç, banues në Shijak. Ngjarja ndodhi në lagjen Popullore të Shijakut për motive të dobëta.
Ky shtetas dyshohet se ka dëmtuar me mjet prerës (hanxhar) xhamin e automjetit të shtetasit D. Ç., 55 vjeç, e ka goditur fizikisht dhe e ka kanosur me hanxharin për ta vrarë. Ndërhyrja në kohë e policisë parandaloi përshkallëzimin e konfliktit.
Gjatë veprimeve hetimore u sekuestruan në cilësinë e provës materiale një thikë dhe një hanxhar.
Ndaj I. N. rëndojnë akuzat për veprat penale:
• Kanosja;
• Shkatërrimi i pronës;
• Prodhimi dhe mbajtja pa leje e armëve të ftohta.
Materialet procedurale i janë referuar Prokurorisë pranë Gjykatës së Juridiksionit të Përgjithshëm Durrës për veprime të mëtejshme.
Përditësime
Burimi 2 konfirmoi emrin e plotë të arrestuarit: Ismail Nuredini.