Më 2 shkurt 2026, rreth orës 17:20, në Pikën e Kalimit Kufitar Bllatë, në dalje të Republikës së Shqipërisë, policia arrestoi në flagrancë shtetasin Genci Kërkuti, 42 vjeç, banues në Republikën e Maqedonisë së Veriut.
Gjatë procesit të regjistrimit, punonjësit e policisë i kërkuan atij të kalonte me automjetin në vijën e dytë për kontroll të imtësishëm. Genci Kërkuti kundërshtoi urdhrin dhe tentoi të largohej me shpejtësi, duke rrezikuar jetën e punonjësve të policisë.
Pas veprimeve hetimore, ai u arrestua për veprat penale “Kundërshtimi i punonjësit të rendit publik” dhe “Kalimi i paligjshëm i kufirit”. U sekuestrua automjeti me të cilin lëvizte.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër për veprime të mëtejshme.