Shërbimet e Komisariatit të Policisë Nr. 4 në Tiranë, në bashkëpunim me Drejtorinë Vendore të Policisë Durrës, finalizuan operacionin e koduar “Tools” dhe arrestuan shtetasin Bledjan Shkembi, 42 vjeç, banues në Tiranë.
Ky shtetas dyshohet se më 1 prill 2026, në rrugën “Kongresi i Manastirit” në Tiranë, ka vjedhur xhiron ditore të një dyqani, duke kanosur punonjësen me thikë.
Bledjan Shkembi rezulton i dënuar më parë për vjedhje.
Gjatë operacionit policia sekuestroi thika dhe veshjet që dyshohet se janë përdorur gjatë kryerjes së veprës penale.
Pamjet nga kamerat e sigurisë tregojnë autorin me maskë të zezë në fytyrë teksa merr paratë dhe largohet nga dyqani, si dhe përplasjen me një person tjetër gjatë ikjes.
Hetimet vijojnë për të dokumentuar vjedhje të tjera që mund të ketë kryer ky shtetas.
Materialet procedurale i janë kaluar Prokurorisë së Tiranës për veprime të mëtejshme.