Shërbimet e Sektorit të Policisë Rrugore në DVP Durrës, gjatë monitorimeve për identifikimin e shkelësve të Kodit Rrugor, ndaluan një automjet në rrugën Vllazërimi.
Drejtuesi, shtetasi Xh. S., 43 vjeç, banues në Durrës, tentoi të korruptonte punonjësit e policisë duke u ofruar para për të shmangur testin e alkoolit. Nga testi rezultoi se ai drejtonte në gjendje të dehur, me masën 0.92 mg/l.
Pas veprimeve, u bë arrestimi në flagrancë i Xh. S. për veprat penale Korrupsioni aktiv i personave që ushtrojnë funksione publike dhe Drejtimi i automjetit në mënyrë të parregullt. Materialet hetimore iu referuan Prokurorisë pranë Gjykatës së Shkallës së Parë të Juridiksionit të Përgjithshëm Durrës për veprime të mëtejshme.