Shtetasi norvegjez Sebastian Templet, 28 vjeç, është arrestuar në zonën e Plepave në Durrës, si rezultat i një operacioni të koduar "Fast". Ky operacion u finalizua nga specialistët e Sektorit për Kërkimin (FAST Albania) në Drejtorinë e Forcës së Posaçme Operacionale, në bashkëpunim me shërbimet e Drejtorisë Vendore të Policisë Durrës.
Sipas njoftimit zyrtar të Policisë së Shtetit, 28-vjeçari ishte shpallur në kërkim ndërkombëtar pasi autoritetet gjyqësore norvegjeze kishin lëshuar një urdhër-arresti në prill të vitit 2026, për veprat penale të kanosjes dhe prishjes së qetësisë publike. Paralelisht, ndaj tij ekziston një masë sigurie "Arrest në burg", e vendosur në maj 2026 nga Gjykata e Apelit e Juridiksionit të Përgjithshëm, për veprën penale "Prodhimi dhe shitja e narkotikëve".
Arrestimi u bë i mundur falë shkëmbimit të informacionit dhe koordinimit operacional ndërmjet Interpol Tiranës dhe autoriteteve homologe në Norvegji. Pas këtij arrestimi provizor, institucionet përkatëse kanë nisur procedurat ligjore për ekstradimin e 28-vjeçarit drejt Norvegjisë.