Shërbimet e Komisariatit të Policisë Krujë kanë finalizuar me sukses operacionin e koduar Shtegu, që kishte për qëllim lokalizimin dhe kapjen e personave të shpallur në kërkim. Si rezultat i këtij operacioni, u bë e mundur kapja dhe arrestimi i një 40-vjeçari, i identifikuar si Agron Basha, banues në Tiranë.
Sipas informacioneve zyrtare, arrestimi erdhi pas një pune operative të shpejtë në lidhje me vendndodhjen e shtetasit. 40-vjeçari rezultonte i dënuar me vendim të formës së prerë nga gjykata, e cila në vitin 2021 kishte caktuar masën e dënimit prej 4 vitesh burgim për veprën penale “Kultivimi i bimëve narkotike”.
Pas ndalimit, materialet procedurale i janë referuar Prokurorisë për veprime të mëtejshme ligjore. I arrestuari do të dërgohet për të vuajtur dënimin e caktuar.