Shërbimet e Komisariatit të Policisë Krujë kanë finalizuar operacionin policor të koduar “Mukja”, pas informacioneve të siguruara në rrugë operative për kultivim të bimëve narkotike. Si rezultat i kontrollit në një zonë pyjore të fshatit Mukaj, autoritetet gjetën dhe asgjësuan 42 bimë të dyshuara cannabis sativa, si dhe sekuestruan 600 gramë lëndë narkotike të së njëjtit lloj.
Në kuadër të këtij operacioni u bë arrestimi në flagrancë i shtetasit N. Z., 31 vjeç, ndërsa është shpallur në kërkim bashkëpunëtori i tij, shtetasi J. M., 43 vjeç. Të dy personat janë banues në fshatin Mukaj.
Materialet procedurale i janë referuar Prokurorisë për hetime të mëtejshme për veprat penale “Prodhimi dhe shitja e narkotikëve” dhe “Kultivimi i bimëve narkotike”. Ndërkohë, policia vijon kërkimet për lokalizimin dhe kapjen e 43-vjeçarit, si dhe për dokumentimin e plotë të kësaj veprimtarie kriminale.