Shërbimet e Komisariatit të Policisë Krujë kanë vënë në pranga shtetasin A. H., 39 vjeç, të shpallur në kërkim për veprën penale kultivimi i bimëve narkotike.
Ky shtetas dyshohet se në maj të vitit të kaluar ka kultivuar 136 bimë narkotike në fshatin Ranxë, Fushë Krujë. Arrestimi erdhi si rezultat i kontrolleve dhe punës operative për lokalizimin e personave të kërkuar për vepra penale.
Gjykata i ka caktuar A. H.-së masën e sigurisë arrest në burg. Materialet procedurale iu referuan Prokurorisë së Tiranës për veprime të mëtejshme.