Një operacion i koordinuar nga Drejtoria e Forcës së Posaçme Operacionale ka sjellë kapjen e 22-vjeçarit Orgito Paloka në qytetin e Shëngjinit. I riu ishte shpallur në kërkim ndërkombëtar, pasi akuzohet për veprën penale të vrasjes së mbetur në tentativë.
Sipas të dhënave zyrtare, urdhër-arresti është lëshuar nga Gjykata Juzgado Instruccion 2 në Ibiza, Spanjë, më datë 18 maj 2026. Pas lokalizimit të vendndodhjes së tij, shërbimet policore kanë finalizuar operacionin e koduar “Fast”, duke mundësuar ndalimin e 22-vjeçarit dhe nisjen e procedurave për ekstradimin e tij drejt Spanjës.
Operacioni është realizuar në bashkëpunim të ngushtë me autoritetet spanjolle, nëpërmjet rrjetit ENFAST, i cili synon lokalizimin dhe kapjen e personave të shpallur në kërkim ndërkombëtar.