Mateo Selala, 26 vjeç, u lokalizua dhe u kap në Laç më 24 prill 2026 nga shërbimet e Drejtorisë së Forcës së Posaçme Operacionale të Policisë së Shtetit.
Ai është i shpallur në kërkim ndërkombëtar nga autoritetet gjyqësore spanjolle, të cilat në shkurt 2026 lëshuan urdhër arresti për veprat penale "vjedhje me dhunë", "falsifikim i dokumenteve" dhe "pjesëmarrje në grup kriminal".
Sipas akuzave, Selala kryer vjedhje në dy banesa në zona të ndryshme të Spanjës më datat 14 dhe 15 mars 2025. Gjithashtu, ai akuzohet se ka ndryshuar targat e një automjeti.
Kapja u bë e mundur falë shkëmbimit të informacionit dhe koordinimit me partnerët spanjollë, në kuadër të fazës së 91-të të operacionit të koduar "Operacionalja".
Interpol Tirana po bashkëpunon me homologët në Madrid për procedurat e ekstradimit të 26-vjeçarit drejt Spanjës.