Syrgen Haxhija, 34 vjeç, lindur dhe banues në Shkodër, u arrestua në qytetin e Shkodrës nga shërbimet e Drejtorisë së Forcës së Posaçme Operacionale në Departamentin e Policisë Kriminale, në bashkëpunim me shërbimet operacionale të DVP Shkodër.
Ngjarja ndodhi në kuadër të operacionit policor të koduar Operacionalja 83, si pjesë e punës gjurmuese për kapjen e personave të shpallur në kërkim ndërkombëtar. Ky shtetas ishte shpallur në kërkim nga Interpol Roma në Itali, për zbatimin e masës së sigurisë personale arrest në burg, të caktuar nga Gjykata e Milanos.
Ai akuzohet për veprat penale trafikim i lëndëve narkotike dhe pjesëmarrje në organizatë kriminale, të parashikuara nga Kodi Penal i Italisë.
Sipas policisë, vijojnë kontrollet dhe operacionet e njëpasnjëshme për kapjen e personave të tjerë në kërkim ndërkombëtar.
Përditësime
Policia e Shtetit ka korrigjuar identitetin e të arrestuarit në Shkodër: nuk është Syrgen Haxhija, por Izmir Dunga (35 vjeç), i kërkuar nga Italia për trafik droge. Operacioni quhet "Operacionalla 84" (jo 83). Arrestimi u bë më 23 shkurt. Procedurat e ekstradimit drejt Italisë janë nisur. Video të arrestimit qarkullojnë në disa burime.