Policia e Kosovës në Skenderaj ka arrestuar më 10 janar 2026 një person të kërkuar me disa urdhëresa aktive të gjykatës.
Ngjarja ndodhi rreth orës 18:00, kur policia ndaloi një automjet me targa të Bosnjë e Hercegovinës. Gjatë verifikimit fillestar, personi dukej se kishte ndërruar mbiemrin, por pas kontrollit të detajuar u konstatua se ai ishte i kërkuari i njëjtë.
Ai ishte në kërkim me tri urdhëresa aktive nga Gjykata Themelore në Mitrovicë dhe dy letërreshtime nga Gjykata Themelore në Gjilan. Kërkimi lidhej me veprat penale: dëmtim apo asgjësim i pasurisë, trafikim me njerëz dhe falsifikim i dokumentit.
Sipas urdhërave gjyqësorë, personi ishte dënuar me burgim prej 3 vjet e 8 muaj. Pas përfundimit të procedurave policore, ai u dërgua në qendrën e vuajtjes së dënimit.