Shërbimet e Seksionit të Kërkimit, në bashkëpunim me Seksionin për Hetimin e Krimeve të Rënda të Drejtorisë Vendore të Policisë Tiranë, finalizuan operacionin policor „Vendimi”.
Si rezultat, në rrugën „Don Bosko” u arrestua përkohësisht Elton Miha, 43-vjeç, banues në Tiranë, me qëllim ekstradimin drejt Italisë.
Ky shtetas ishte i shpallur në kërkim ndërkombëtar pasi Gjykata e Apelit e Firencës, në Itali, në vitin 2015, e dënoi me 11 vite e 10 muaj burgim për veprat penale „Vjedhje e rëndë”, „Shfrytëzim prostitucioni” dhe „Shkelje e ligjit për migracionin”, të parashikuara nga Kodi Penal italian.
Operacioni u zhvillua në kuadër të punës për lokalizimin e personave në kërkim, bazuar në informacione operative.
Materialet hetimore u referuan në Prokurorinë pranë Gjykatës së Shkallës së Parë të Juridiksionit të Përgjithshëm Tiranë për vijimin e procedurave të ekstradimit.