Autoriteti Rrugor Shqiptar (ARRSH) njofton se sot në orën 11:30 do të kryhet një shpërthim i kontrolluar rreth 1 kilometër nga dalja e tunelit të Llogarasë, në drejtim të Palasës.
Shpërthimi me sasi të vogla eksplozivi realizohet në kuadër të punimeve për ndërtimin e segmentit rrugor të rrugëve lidhëse të Llogarasë, me qëllim hapjen e trasesë së rrugës, pa penguar qarkullimin e mjeteve.
ARRSH sqaron se ndërhyrja është koordinuar me Policinë e Shtetit për të garantuar sigurinë dhe menaxhimin e trafikut.
Autoriteti kërkon mirëkuptimin e qytetarëve dhe drejtuesve të mjeteve deri në përfundimin e plotë të punimeve.
Përditësime
ARRSH konfirmoi se shpërthimi i kontrolluar pranë tunelit të Llogarasë drejt Palasës u krye me sukses në orën 11:30, sipas standardeve të sigurisë. Qarkullimi i mjeteve vijon normalisht, sipas njoftimit zyrtar të ARRSH.