Një aksident rrugor ka ndodhur në zonën Ura e Dajlanit në Durrës, ku automjeti me drejtuese Xh. K., rreth 24 vjeçe, ka dalë nga rruga dhe ka rënë në kanal rreth orës 17:15.
Dyshohet se shkak është humbja e kontrollit mbi drejtimin e mjetit nga ana e shoferes. Si pasojë, 24-vjeçarja ndodhet në spital duke marrë ndihmë mjekësore dhe është jashtë rrezikut për jetën.
Policia njofton se: «Rreth orës 17:15, tek vendi i quajtur Ura e Dajlanit, automjeti me drejtuese shtetasen Xh. K., rreth 24 vjeçe, dyshohet se si pasojë e humbjes së kontrollit mbi drejtimin automjetit nga ana e 24-vjeçares, ka dalë nga rruga dhe ka rënë në kanal. Si pasojë, 24-vjeçarja ndodhet në spital duke marrë ndihmë mjekësore, jashtë rrezikut për jetën».
Grupi hetimor ndodhet në vendngjarje për zbardhjen e rrethanave të plota të aksidentit.