Bashkimi Evropian pritet të heqë plotësisht masat ndaj Kosovës javën e ardhshme. Burime jozyrtare nga Brukseli paralajmërojnë se vendimi përfundimtar mund të merret këtë të hënën në takimin e përfaqësuesve të shteteve anëtare të BE-së, të ngarkuar me çështjet e rajonit.
Procedurat vendimmarrëse në Komisionin Evropian janë përfunduar. Në këtë takim pritet të miratohet heqja e masave.
Masat u vendosën në vitin 2023. Një vit më vonë, ish-shefi i diplomacisë evropiane, Josep Borrell, rekomandoi heqjen e tyre, por u deshën mbi 18 muaj për formalizimin e vendimit.
Ndërkohë, u bllokuan mbi 400 milionë euro asistencë financiare evropiane. Në fund të vitit 2025 u hoq gjysma e këtyre masave financiare, ndërsa tani pritet zhbllokimi i pjesës së mbetur.
Në kuadër të masave ndëshkuese ishte përfshirë suspendimi i takimeve bilaterale të zyrtarëve evropianë me përfaqësues të Qeverisë së Kosovës, përveç rasteve me karakter rajonal.
Kosova është vendi që komisionerja për zgjerim, Marta Kos, ende nuk e ka vizituar. Ajo planifikon një vizitë gjatë këtij muaji, me idenë ideale që ta përdorë për të komunikuar heqjen e masave, sipas zyrtarëve evropianë.
Përditësime
Ursula von der Leyen paralajmëroi heqjen e masave ndaj Kosovës në fillim të 2026-ës, pas takimit me liderët e Ballkanit, përfshirë Vjosa Osmani. Kjo u njoftua në takimin e COWEB-it më 2 mars. Masat, të vendosura në qershor 2023 për veprimet njëanshme në veri të Kosovës – të kundërshtuara nga BE, SHBA dhe Shqipëria – përfshijnë pezullimin e 216 mln eurove (50%) fillimisht dhe 205 mln eurove tani nga Programet IPA dhe Fondi i Investimeve.