Bedri Hamza, kryetar i Partisë Demokratike të Kosovës (PDK), ka shprehur ngushëllime për vdekjen e ish-kongresistit amerikan Eliot Engel.
Në një postim në Facebook, Hamza shkroi se "sonte u nda nga jeta një mik i veçantë i Kosovës, Eliot Engel, i cili qëndroi pranë nesh në kohën kur po shkruhej historia". Ai e quajti Engel-in "zëri i drejtësisë për ne në Shtetet e Bashkuara të Amerikës" dhe shtoi se "miqësia dhe kontributi i tij nuk do të harrohen kurrë".
Hamza përfundoi postimin me fjalët: "Ngushëllimet më të sinqerta familjes së tij! Prehu në paqe, mik i madh!"
Sipas raporteve, Eliot Engel vdiq të premten në moshën 79 vjeçare.