Gjykata ka miratuar masën e sigurisë arrest me burg për shtetasin Violand Braçellari, në lidhje me ngjarjen ku mbeti i vrarë efektivi i policisë Enea Mekolli dhe u plagos efektivi Edison Adri.
Gjatë seancës gjyqësore, e cila u zhvillua në ambientet e spitalit, Braçellari dha deklarime vetëm për një dënim të mëparshëm të dhënë nga Gjykata e Korçës në vitin 2017. Ai pretendoi se nuk ka pasur lidhje me kultivimin e bimëve narkotike, vepër për të cilën rezulton i dënuar me 10 vite burg.
Në lidhje me akuzat për vrasjen e efektivit Mekolli dhe plagosjen e efektivit Adri, i pandehuri nuk dha asnjë shpjegim, duke zgjedhur të heshtë. Autoritetet ligjzbatuese vijojnë hetimet për zbardhjen e plotë të rrethanave të ngjarjes.