Ngjarja e rende ndodhi ne rrugen “Dervish Luzha” ne Kamez, ku 27-vjecari Ardian Baloshi u ekzekutua me arme zjarri. Hetimet paraprake tregojne se autori, Sadik Llanaj, ka qelluar me bresheri ne drejtim te viktimes, duke lene 10 gezhoja ne vendin e ngjarjes. Nje plumb ne koke rezultoi fatal per jeten e 27-vjecarit.
Sipas informacioneve te policise, shenjester e sulmit ka qene edhe shoku i viktimes, i cili ndodhej ne shoqerine e tij ne momentin e atentatit. Ky i fundit arriti t'u shpetoje plumbave pa pesuar lendime fizike.
Drejtoria Vendore e Policise Tirane ka shpallur ne kerkim Sadik Llanaj, i cili konsiderohet person me rrezikshmeri te larte shoqerore dhe dyshohet se qarkullon i armatosur. Autoritetet i kane bere thirrje qytetareve per bashkepunim, duke ofruar nje shperblim prej 10 mije eurosh per cdo te dhene qe mund te ndihmoje ne lokalizimin dhe prangosjen e te dyshuarit. Nderkohe, grupi hetimor vijon punen per zbardhjen e motiveve dhe rrethanave te plota te ngjarjes.
Përditësime
Hetimet për vrasjen në Kamëz zbardhën detaje të reja mbi dinamikën dhe identitetin e viktimës. Viktima është identifikuar si 26-vjeçar. Autori iu afrua viktimës me automjet ndërsa ky i fundit ndodhej në rrugë me një grup personash. Kalimtarët i dhanë ndihmën e parë, por 26-vjeçari ndërroi jetë në Spitalin e Traumës. Policia dyshon se motivi i krimit është një konflikt i mëparshëm. Forcat RENEA janë angazhuar në terren për lokalizimin dhe kapjen e autorit.