Një endacak i identifikuar si Qirjako Ferti është gjetur mëngjesin e 28 shkurtit 2026 në qendër të qytetit të Fierit, i shtrirë në tokë pa ndjenja dhe me shenja të dukshme dhune në trup.
Kalimtarët e alarmuar njoftuan menjëherë shërbimin e urgjencës. Ambulanca mbërriti në vendngjarje dhe transportoi 60-vjeçarin drejt Spitalit Rajonal Fier, ku ndodhet nën kujdesin e mjekëve. Sipas bluzave të bardha, ai vuan nga probleme të shëndetit mendor dhe një javë më parë ishte paraqitur në urgjencë në gjendje të rënduar shëndetësore.
Policia e Fierit ka nisur hetimet për të zbardhur rrethanat. Dyshohet se Ferti mund të jetë dhunuar nga persona të paidentifikuar, por nuk përjashtohet as pista e vetëdëmtimit në kushte të rënduara psikologjike. Autoritetet po sigurojnë pamje filmike nga kamerat e sigurisë në zonë dhe po marrin dëshmi nga banorë apo biznese pranë vendit të ngjarjes.