Ervin Dakoli shpëton arrestimit në Kavajë, dyshime për dekonspirim

Ervin Dakoli, 47-vjeçar shqiptar i konsideruar nga Drejtoria Distriktore Antimafia (DDA) e Bolonjës si trafikant i fuqishëm narkotikësh, aktiv në Itali, Francë dhe Spanjë, i ka shpëtuar kapjes. Ai besohet të jetë kreu i organizatës kriminale me selinë në Reggio Emilia, e cila u godit të martën me nëntë masa paraprake të lëshuara nga gjyqtari hetues i Bolonjës me kërkesë të DDA-së. Shtatë masa janë ekzekutuar, ndërsa Dakoli, i cili ndodhej në Shqipëri, dhe një tjetër person me qendër në Francë, ende mungojnë.

Oficerët e Skuadrës Fluturuese të Shtabit të Policisë së Reggio Emilias, të koordinuar nga Shërbimi Qendror i Operacioneve të Drejtorisë Qendrore Kundër Krimit dhe të mbështetur nga Divizioni i Tretë i Shërbimit të Bashkëpunimit Ndërkombëtar Policor, në bashkëpunim me Zyrën e Ekspertit të Sigurisë në Shqipëri, e kishin ndjekur Dakolin për muaj të tërë në qytetin e Kavajës. Makina e tij u lokalizua, por kur nisi operacioni për ta arrestuar në agim të së martës, 47-vjeçari ishte zhdukur. Dyshimi se dikush në Shqipëri e paralajmëroi për urdhër-arrestin është i madh.

Operacioni "Sturl One"

Operacioni Sturl One ka shkatërruar një bandë ndërkombëtarë shqiptarësh trafikantë droge. Gjithsej 15 persona janë nën hetim, nëntë prej të cilëve (tetë shqiptarë dhe një italian) kanë marrë urdhër-arrest. Arrestimet dhe kontrollet u kryen në provincat e Reggio Emilias, Bergamo, Brescia dhe Savona, si dhe në Francë, Spanjë dhe Shqipëri, falë koordinimit me autoritetet policore ndërkombëtare, veçanërisht Departamentin e Policisë Kriminale të Shqipërisë.

Modalitetet e bandës

Hetimet zbuluan se anëtarët e bandës përdornin kriptofone për të shmangur kapjen dhe platformën e koduar Sky ECC në telefona të specializuar me vlerë mijëra euro. Dakoli importonte sasi të mëdha kokaine, marijuane dhe kanabisi në Itali nga Amerika e Jugut, Evropa Veriore dhe Spanja, duke i fshehur në kamionë me prodhime. Ata transportonin lumenj kokaine dhe parash në të gjithë Italinë.